പാഴ്കിനാവ്

ഓർമകളുടെ ഒരു പളുങ്ക് പാത്രം ഞാനിന്നും കാത്തുവെച്ചിരിക്കുന്നു....
അതിനു പോയ കാലത്തിന്റെ പഴമയുടെ ഗന്ധമുണ്ട്...
പകൽ നിഴലും, രാത്രി നിലാവും കാവലിരിക്കുന്ന നിന്റെ ഓർമകളുടെ പളുങ്ക് പാത്രം......!

നിനക്ക് നൽകാൻ ഞാൻ കരുതി വെച്ചിരിക്കുന്ന  ജീവിതം ആ പളുങ്ക് പാത്രത്തിനുള്ളിൽ  സൂക്ഷിച്ചു വെച്ചിരിക്കുന്നു...സ്വപ്‌നങ്ങൾ അതിന്റെ നിറം കെടാതെ വർണ്ണങ്ങൾ വിതറി കൊണ്ടിരിക്കുന്നു...
ഇനിയും എത്ര നാൾ കാത്തിരിക്കണം...?
സ്വപ്‌നങ്ങൾ സഫലമാകുവാൻ...
കാത്തിരിപ്പിനു സുഖമുണ്ട്, അതിനു അർത്ഥമുണ്ടെങ്കിൽ മാത്രം.
കാലം മുന്നോട്ടു ചലിച്ചു കൊണ്ടിരിക്കുകയാണ്.

ഒരു പൂന്തോട്ടം ഞാനിന്നും നട്ടുനനക്കുന്നു.
നിനക്ക് വേണ്ടി മാല കോർക്കാൻ....
അത് വാടി കരിയുന്നതിനു മുമ്പെങ്കിലും....!
ഒരു സിന്ദൂരചെപ്പ് എന്റെ കൈ കുമ്പിളിൽ ചേർത്ത് വെച്ചിരിക്കുന്നു...നിന്റെ നെറുകയിൽ ചാർത്താൻ...,കണ്ണുനീരിന്റെ നനവോടെ..!
ഈ കാത്തുവെച്ചിരിക്കുന്നതെല്ലാം നമ്മുടെ പ്രണയം സഫലമാകുമെന്ന പ്രതീക്ഷയിലാണ്...നീ വരുമെന്ന പ്രതീക്ഷയിൽ.....'
ഇല്ലെങ്കിൽ, ഞാൻ മാത്രമായി ഒരു യാത്ര പോകും. എന്റെ ഓർമകളെ മാത്രം നിനക്ക് നൽകിയിട്ട്.....
ആ പളുങ്ക് പാത്രം നീ ഉടക്കരുത്...
നമ്മുടെ സ്വപ്‌നങ്ങൾ, മോഹങ്ങൾ, ആഗ്രഹങ്ങൾ അതിനുള്ളിൽ ഉറങ്ങിക്കോട്ടെ...
അടുത്ത ജന്മം ഉണരാൻ വേണ്ടി...."