" ഒരു നാള്‍ മടക്ക യാത്ര "
ജീവിതത്തിനും മരണത്തിനുമിടയിലെ യാത്രയിലാണ് ഞാനിപ്പോള്‍.
തിളയ്ക്കുന്ന യൗവനം ഈ മരുഭൂവില്‍ എരിച്ചു തീര്‍ക്കുമ്പോള്‍
നഷ്ടപ്പെടലുകളെ കുറിചോര്‍ക്കാതെ........നാളെയുടെ പ്രതീക്ഷകളെ
മാത്രം ഓര്‍ക്കാന്‍ വിധിക്കപ്പെട്ടവന്‍.......ഇനി എത്ര നാള്‍.
ആയുസ്സിന്‍റെ ഓരോ നിമിഷവും തീര്‍ന്നു വരുമ്പോള്‍ ഈ ജീവിതത്തില്‍
എന്ത് നേടി...?
ആരൊക്കെയോ കണ്ട സ്വപ്‌നങ്ങള്‍ പുലരാന്‍.....
എരിഞ്ഞു തീര്‍ന്ന മെഴുകുതിരിപ്പോലെ ...,
കാലം അതിന്‍റെ നാഴിക മണി ചലിപ്പിച്ചു കൊണ്ടിരിക്കുന്നു.
അതിനോളമെത്താന്‍ ഓടി കിതക്കുകയാണ് ഞാന്‍. എന്നാലും അകലം
കൂടി വരുകയാണ്...ജീവിതം കത്തി തീരുകയാണ്.
ചുടു രക്തം മിഴിനീരായി പെയ്തിറങ്ങുമ്പോള്‍ , അത് മരുഭൂവില്‍
വീണുടയുമ്പോള്‍.......ആരു കാണുന്നു.... ഈ നൊമ്പരം..?
ആര് കേള്‍ക്കുന്നു ഈ സങ്കടം..?
എല്ലാം മറക്കാന്‍ രാവിനെ അഭയം പ്രാപിക്കുമ്പോള്‍ ....ഇരുട്ടിന്‍റെ മറ നീക്കി
ഒരു ചില്ല് വെളിച്ചമായി.....ഒരു നനുത്ത തെന്നലായി....ആ നാടിന്‍റെ ഓര്‍മ്മകള്‍.
പ്രതീക്ഷയുടെ നോട്ടവുമായി കുറെ മിഴികള്‍. ആ മിഴികളില്‍ സ്വപ്‌നങ്ങള്‍
നല്‍കിയത് ഞാനല്ലേ....? വറുതിയുടെ നെരിപ്പോടില്‍ നിന്നും മോഹങ്ങളുടെ
പുല്‍നാമ്പുകള്‍ മുളപ്പിച്ചതും ഈ ഞാന്‍ തന്നെ അല്ലെ....?
അപ്പോള്‍ പിന്നെ എന്‍റെ വേദനക്ക് എന്ത് സ്ഥാനം.
എന്നാലും ഓരോ പ്രവാസിക്കും നൊമ്പരപ്പെടാനെ കഴിയു...
ആ നൊമ്പരത്തില്‍ പലരുടെയും മോഹങ്ങള്‍ സഫലമാകും...എല്ലാവരുടെയും
എല്ലാ മോഹങ്ങളും സഫലമാക്കി.കഴിയുമ്പോള്‍ എനിക്കുമുണ്ടാകും
ഒരു മടക്ക യാത്ര......എന്‍റെ സഫലമാകാത്ത സ്വപ്നങ്ങളും പേറി.....
ഒരു യാത്ര..........
